The Belief of the Church
Discover the core beliefs and values of the Evangelical Assembly Church.
Pathien Lekhabu
Pathien Lekhabu Thienghlim, Holy Bible, Genesis-a inthawka Thupuongsuo chen hi Pathien Thlarau inthuokkhum ngeia ziek, inkhel theilo, belsa le peițhe theilo, ringna le changdan kawnga țhuoitu huntawk a nih, ti ka ring.
Pa Pathien
Pa Pathien chu mania um, ințan hun le tawp hun neilo, iengkim hrie, iengkim thawthei, khawlai hmuna khawm ieng huna khawm um zing, danglam ngailo a nih, ti ka ring.
Pathiena Mi Pathum
Pathiena mi pathum- Pa Pathien, Naupa Pathien le Thlarau Thienghlim Pathien, chatuon mi hi ka ring.
Naupa Isu Krista
Naupa Pathien, Lalpa Isu Krista hi Pathien famkim le mihriem famkim, chatuon mi, nunghak inthienga inthawka mihriema hung insieng, suol neilo a ni na, a thina, a thonawkna, vana a lawn nawkna, hrilpuitu a nina le ropuitakin a hung nawk ding ti ka ring.
Thlarau Theinghlim Pathien
Thlarau Thienghlim Pathien chu Pathien thua mi in piengthartirtu, thlamuongtu, sukthiengtu le ringtuhai sunga chenga, keițhuoitu a nih, ti ka ring
Mihriem
Mihriem hi Pathien angpuia siem a ni a, suola a tlu a, chu chun taksa thina le thlarau kumkhuoa Pathien le ințhena an tlun a, chuleiin mihriem po po suola pieng ei nih, ti ka ring.
Sandamna
Misuol le bohmang sandamna chu Isu Krista ringna leia lunginsietnaa Thlarau Thienghlim zara insiengtharnaa inthawka hmu a nih, ti le, sandamna indiktaka chang ta chu bo nawk thei ta lo a nih, ti ka ring.
Sacrament
Lalpa Isu Krista phun le a thupek Sacrament pahni, Baptisma le Lalpa Zanbu hi an nih, ti ka ring.
Țawngțaina
Pathien le inpawlna inthiengtak chu Thlarau le titak zeta țawngțaina hi a nih, ti ka ring.
Mithi Thonawkna
Taksa thonawkna ka ring a, mifelhai chu thiemchangin thonawk an ta, mifelnawhai ruok chu thiemnaw changin thonawk an tih, ti ka ring.