Hmarsak Pastorate hin Tuițhaphai biel a huom a nih.
Hmarsak Pastorate
Hmarsak Pastorate hin Tuițhaphai biel a huom a, Imphal tieng chen khawm a huom hlak a, tu ruok hin chu ram buoi leiin Imphal chu kohran an um ta nawh.
Hmarsak Pastorate hi EAC Headquarter ințhutna biel khawm a ni a, chun khawpui lai a ni bawk leiin sum le pai thua khawm kohran innghatnatak an nih.
Tuhin Hmarsak Pastorate sunga hin EAC kohran Unit 11 an um a, chuonghai chu Ngurte, Khawpuibung, Saikawt, Seimanveng, Muolvaiphei, Rengkai Muolhlum, Rengkai Bible Hill, Rengkai Bethlehem veng, Lamka, K. Ramthar le Saidan an nih,
Simthlang Pastorate hin Hmar biel khu a huom a nih.
Simthlang Pastorate
Simthlang Pastorate hin Hmar biel a huom deu tak a, chubaka Thanlon khawm a huom sa bawk.
Simthlang Pastorate headquarter chu Parbung khawpuia innghat an ni a, Hmar biela chu khuo develop pawltaka ngai thei a nih.
Simthlang Pastorate biel sunga hin kohran Unit 15 an um a, chuonghai chu Thanlon, Tinsuong, Tuolbung, Pherzawl, Taithu, Damdiei, Parbung, Lungthulien, Kawnpui, Senvon, Senvon Vengthar, Sipuikawn, Leisen, Parvachawm le Sakawrdai hai an nih.
Vangai Pastorate hin Vangaitlang biel po a huom a nih.
Vangaitlang Pastorate
Vangaitlang Pastorate hin a huom chin chu Vangaitlang po khu a ni a, Presbytery Conference nei hmasatak khawm an nih.
Vangai Pastorate headquarter chu Kangreng khawpuia innghat a ni a, Vangai biel hi a tlangpuiin lamlienin a zirnaw leiin infepaw a harsa hlak.
Tuhin Vangai Pastorate biel sunga hin EAC kohran Unit 9 an um a, chuonghai chu Patpuihmun, Sartuinek, Thingpuikuol, Jeikhan, Kangreng, Kangrengdawr le Lower Kharkhuplien, Upper Kharkhuplien le Jeisuo hai an nih.
Hmarthlang Pastorate hin Tuiruongphai biel khu a huom a nih.
Hmarthlang Pastorate
Hmarthlang Pastorate hin Vangaitlang hmawr tawp tieng Tuiruong phai bielhai a huom deutak a, Manipur le Assam a keikawp a nih.
Hmarthlang Pastorate headquarter chu Hmarkhawlien a ni a, Hmarsak headquarter, Tuițhaphai ti loa chu a khawpuitak a nih. A khawpui hi Assam ram sunga um a nih.
Tuhin, Hmarthlang biel sunga hin Unit 9 an um a, chuonghai chu Hmarkhawlien, Jiribam, Diggar Compound, Choudrikhal le Savawmphai, Dolakhal, Thangboi Punji, Bethel Lokichera le Kolasib hai an nih,