Memo: EAC/Exe- No.4 –Cir. &Ord./2015 Dated: April 02, 2024

EAC ASSEMBLY CIRCULAR: KOHRAN MIPUI HRIET DING

Kum 2023 75th General Assembly le Kum 2024 76th General Assembly-a Constitution le Kohran Inṭhuoi Dan siemṭhat hai Unit, Biel le rawngbawltuhai in ei hriet ding inhriettirtharna in hung insuo a nih.

Kohran Inṭhuoi Dan le Thuring Bulpui Bung 3 VI in a hril “kohran Upa dân puoa hnawtsuok laklut nawkhai kohran upa thlang nawk thei,” ti hi Constitution Part XV, Art.41 – D, in a hril angin angin kohran upa dan puoa hnawtsuok ta hai chu kohran upa dinga thlang nawk thei an ni ta nawh. (75th General Assembly Resolution No.7-i).

Kohran Inṭhuoi Dan Bung 8-V No. (f) ii, a naupang puitlinga laklutna a Gown hak ding ti hi Bung 9 No.1 a angin Naupang puitlinga laklutna hun hi kohran ser-le-sang annaw leiin Gown hak lo ding a nih, (75th General Assembly Resolution No.7 – ii).

Constitution Art. No.41-B, a “Kohran member 100 chen umnaa chun Kohran Upa 3 nei thei ding,” ti hi Kohran Upa sawr thei ta lo ding hai hi a thar thlang belsana kawnga daltu ni nawhai sien, ti in Constitution-a belsa a nih. (75th General Assembly Res. No.21 – iv).

EAC Constitution Art. 36 (b) & 37 (b), naa KNP le KTP General Conference Member ding Conference innghatna biel PO le Circle Pastor hai chu member ning an tih, ti hi Pastor, Kohran Upa le thawktu (3rd grade a inthawka chungtieng) Inkhawmpuia thang hai chu member ning an tih, tia thleng a nih. (75th General Assembly Resolution No.21 – v).

EAC Constitution Art. 11-C le 12-A (viii) in Pastorate Officer, a umna biel a Standing Secretary ning a tih, ti a hril hi, Ex-Officio member ning a tih, tia thleng a na. Standing Secretary ding chu Standing Committee mawphurna a nih. (75th General Assembly Resolution No.21 – vii).

76th General Assembly Resolution No.3 in a pawm angin “Lalpa Ṭawngṭaina” a hnuoia ang hin EAC kohran pumpuiin in ang taka ei hril dan ding a nih.

Kan Pa vana mi, I hming inzaum raw se, I ram hung tlung raw se, I ditzawng vana mi’n an thaw angin, Hnuoia mi’n thaw raw hai se. Nitin kan fâk khawpin bu mi pe la, Kan chunga thil suksuoltuhai kan ngaidam angin, Nangkhawmin kan thil suksuolhai mi ngaidam la. Suol dinga thlemnaa chun mi ṭhuoilut naw la, Mi suol laka chun mi sandam lem rawh, Ram hai, Thilthawtheina hai, Ropuina hai, Chatuona I ta a ni si a, Amen.

76th General Assembly Resolution No. 14: (Kohran Inthuoi Dan le thuring bulpui Bung-2, I, 1 (i) 4th para, page 10), Kum 18 tling lo hai Lalpa Zanbu awta ṭhang thei lo ding ti hi hmang lo dinga Assembly-in a rel angin, kum 18 la tling naw hai khawm mi piengthar Baptistma chang ta, Puitling Sunday School a laklut ta hai chu Lalpa Zanbu awt ah an ṭhang thei an tih, ti a nih. (76th General Assembly Resolution No. 14).

(EAC Constitution Part-XI, Art. 20-C phek-27) Pastorate NSSU Committee intir dan, Unit a Superintendent le Secretary ti kha ni ta lovin, Unit a Superintendent annawleh Secretary a pakhat lem lem tia siemṭha a ni tah (76th GA Resolution No. 15). Hmang ṭanna ding chu Executive Committee Resolution No.17, 20th March, 2024 angin Unit a department inthlang ṭhat (Kumhni zo peia Department inthlang ṭhatna) zoa hmang ṭan ding ning a ta. Superintendent am Secretary tir ding, ti chu Local Committee ruot le sukfel dinga ti a nih.

Hieng a chunga hung suklang baka hin Rule amanih, Inṭhuoi Dan le dan dang hrim hrim Constitution le inkal a um chun Constitution hmang lem pei ding a nih. 

(Rev. Lalkhamlien)

Executive Director