Kohran Le Thlaraua Rawngbawlna – 1

By: Rev. Laldinglien

Thuthlughluia Pathienmi pungkhawmhai chu Kohran hlimthla hrilnain Hebrai ṭawngin Qahal le Edhah ti a ni a, chu chu Kohran hlimthla a nih. Thuthlungthara Isu’n “Hi lungpui chunga ka Kohran rem ka ta” a ti kha Pentecost ni khan a tak chu a hung inlang ta a, chu Kohran chu Greek ṭawngin Ekklesia-“Ko suok pungkhawmhai” tina a nih. Greek ṭawng veka Kohran hrilna pakhat chu  Kuriake   “Lalpa ta” tina a nih. Chuleiin, Kohran hi Pathienin a thisena a’nchawk, A ta pungkhawmhai, Thlarau thienghlimin a chenchil tlathai an nih. Chuleiin, Kohran ropuina chu Lal Isu tahai, hnuoia indin nisien khawm van tieng mihai ta  a nih. Kohran chu suolin bei zing hlak sien khawm, suolin a hne theinaw na dingin Sandamna banga inhuon tlat a nih. A neitu Lal Isu chu chatuona hring zing a ni leiin, Kohran (Krista taksa) khawm chatuonin a hring zing ding a nih.

Kohran indintira inthawk vawisun chen hin Thlarau Thienghlimin Kohran hi a la suoksan ngainaw a, Thlarau Thienghlim changtu reng reng chu Kohranah hlȇlȇt an ni pei lem a nih. Pentecost ni khan chuh Thlarau Thienglim an nghak a, vawisun ruok chuh Kohranah Thlarau thienglimin a mi nghak lem an tah. Chu Kohran siem puitlingna dingin Pathienin thilpek chi tum tum a mi pek senga, Thlarau thilpek khawm chu Kohranhai rawngbawlna a hlawk theina dinga pek ei nih a, mal tlat pui chi an nawh. Zac Poonen chun Thlaraua sip khawm hi vadungte sip le vadungpui sip angin a hril a. Vadungte chu nikhat ruo a sur chun a kuong a sip nghal a, a ri a sie em em a, nikhat khuo a ṭha chun a re nawk el hlak. Vadungpui or Ocean ruok chu ni tamtak ruo a sur khawmin a pung khawmin an lang chuong nawh a, khawṭhal khawmin a kiemve ngai bawk nawh. Hieng ang bawk hin mi ṭhenkhat chu ei hang inhnik deu chun ei phur phut phut hlak a, Kohran khawm hi ei hang hmu ṭawl nuom vieu khawp el. Nisienlakhawm, ei phur a hung rea ei hang ṭawl nawk ta vek vek chun favang laia Lo hnawma thing paruo ṭawl nekin ei ṭawl nawk lem hlak a nih. |awngbau iemanih deu hang tuok hai sien inkhawm an bansan nawk el hlak. Chuong ang chu vangdungte tuihawk ang an na, thlaraua sip nia an inhriet lai chun, thlarau hi ka pa mi pek a nih ti ni awm fahranin, Pathien thu le Kohran ram hi an inhnik em em a, an dit zawngin Kohran hi khal an tum hlak.

Kohran chu an hmu muong vieu nuom a, ṭhenkhat lem chun hi Kohran a hin ka thlarau an leng nawh ti nuom deu thawin Kohran suoksan chen khawm an nuom hiel hlak. Thlaraua sip tak tak hai ruok chuh an phur thut thut chuong naw a, an hawi le awlsam nekin a tlo lem tieng an inhnik puia, Kohran nun a lo chau deu khawmin a tuikang an nghaktlinga, an nuna  midanghai damna a um a, an bula rawngbawl a hadam a, midang dem zingin rawng an bawl ve naw a, an tlinnawna an hmu langsar nuom a, midanghai ṭhatna an hril uor lem hlak. Chuong ang mi hai chu vadungpui  ruo a hung sur khawma inri bur bur ngailo, khawṭhal a khawm an thafanna ṭuoi ve ngai lo an nih.

Thlarau thilpek hi mitin ṭhathnempui tlang seng dingin Pathienin a mi pek a nih ti Paul’n a hril a (IKor.12:7). Thilpek langsar le langsar naw deu hai khawm chu um mei a ta, a hlu bik le hlu naw bik ruok chu um hran naw nih. Sukdam theina thilpek am a nih, thilmak thawtheina thilpekhai hi a langsar nuom khawp el. A dawngtuhai hi midang nȇka thlarau mi b$k an ni chuong naw a, rorel theina thilpek dawngtuhai le ro reltlanghai sienla, a thilpek dawngnaw na tieng chu iengtina khawm a ni bik ring a um nawh. Thuhril theina thilpek dawngtu khawm ngaitlak thiemtheina thilpek dawngtu leh a hlut d^n an ang char a nih. Taksa pakhata peng hran hran anga tekhin a ni a, thilpek langsar dawngtu nekin thilpek langsar rak lo dawngtu hai hi chawimawi lem ding a nih ti hi Bible mi’n chȇktir d^n chu a nih (I Kor.12:23).

Chuleiin, tukhawmin ei thilpek dawnghai hi hlu bik rieua ngai lovin, Kohranah dengkhawm ei ta; Kohran, Krista taksa siempuitlingna dingin Pathien thilpek nangmaa um kha mȇtchawk la, mani langsar ta lovin Krista le A Kohran ropuizie hi a langsar tak hung ni pei a tih… ‘Ama zarah taksa pumpui chun inzawmna tinreng thaw leia inrem taka insuktuo le inzawm khawmin, peng tin sin thaw zie ang      sengin, hmangainaa insiem ṭha dingin taksa chu a hung sukpung hlak a nih’ Eph.4:16.