Kohran Chanchin (Thuhriltu Vol.XLVIII|No.12|December|2020)

#    Hmarsak Pastorate KNP Rorel inkhawm nei: Hmarsak Pastorate KNP Conf. vawi 41na rorel inkhawm chu tarik  24 Oct.2020 khan Khawpuibung EAC Biekin a hmang a nih. Hi hunah a hin kum dang ang a  mipui fekhawm a remchang naw leiin Unit tina palai pasari intirin rorelna tluongtaka nei a nih.

#    Hotuhai inzin : Tarik 12-16 October 2020 sung khan Mr. Simon L. Hrangchal, Director R&D le Rev. Laldinglien, Director M&E hai chu Hmarthlang Pastorate sir in an inzina, Hripui inleng kara thawding tulhai thaw zo in damtakin Office an kai nawk tah.

#    KNP Conf. hlawtling taka hmang: Vangai Pastorate  KNP Conf. vawi-na chu Tarik 29 october – 1st November 2020 sung khan Kangreng Sub.Hqtrs. ah hlawtling taka hmang a nih. Biel dang Conference hmang thei an umnaw laiin Pathien zara Vangai Pastorate in khawmpui an hmang thei hi lawm a um tak zet a, ningani a inthawkin Pathienni chen khawmpui hi hmang a nih. Zirtawpni in Thu le hla inruolsiekna an nei a, Inrinni in Rorel a nia, Pathienni hi Pathien thu le hla a inpawlkhawmna hun a hmang a nih. Tukum Lengkhamw hla inruolsiekna hi thuoitu hlun famta Pi Darzaikung in a thlang ani leiin, a ma um tanaw sienkhawm , a pasal Upa L.B Thanga hai sungkuo in lawmman hi an tum a, inruolsiekna a thawtha hai chau niloin, inruolsiek a thang hai po po Consolation Prize in Bel lien an pek vawng a nih.

#    Council-Cum-Budget Session nei : Tarik 7 November 2020 khan Lamka EAC Biekin a  EAC Council-Cum-Budget Session hlawtling taka nei a nih. Hi hunah hin Biel thenkhat a inthawka Council member hai thangthei naw hai sienkhawm Pathien zarin tluong taka ro hai rel a nih a. Hi hunah hin kum 2021 a Kohran Budget ding chipchier taka hril a nih a, 2021 sunga Budget dingin  Rs. 473.18 lakh pawm nih. Hi hun a hin General Assembly 2021 nei dan ding, IEM le IMA hai le rawngbawl dan ding, Assembly TA/TE simtharna le thu dang dang hai rel an nih.

#    Inter-Deparmental Conference hmang: Tarik 13-15 Nov.2020 sung khan Hmarthlang Pastorate chun hripui leia Department dang dang hai Conference hmang a remchang naw leiin KNP,KTP le NSSU hai chu rorel inkhawm Interdepartmental Conference-2020 chu Hmarkhawlien a hlawtling takin an hmang. Hi hunah hin Department pathum a inthawkin rorel dinghai cho fekhawm in Pathien zarin rorelna hai khawm tluongtaka nei in Pathien thu le hla inpawltlangna hlimum tak an hmang bawk.

#    West Bengal Mission Field 2nd Annual Conf.: West Bengal Mission Field-ah hin 2019 khan a vawikhat na dingin Annual Conference an nei a. Tukum khawm hripui leia Program thul chuong loin 2nd Annual Conference hi tarik 24 Oct. 2020 khan  hlawtling takin an hmang a nih. Hi hunah hin ringthar 14 in Baptisma an chang bawk. Pathien thlarau malsawmna tamtak an dawnga, Damnaw hai khawmin taksa damna changin mithar Lalpa’n a mi pek belsa pei leiin lawm a um tak zet.

#    Ringthar Baptisma chang: October le November thla sung West Bengal le Tripura Mission Field-ah hai ringthar mi 21 in Baptistma an chang leiin ei Pathien inpak in um raw se. Lalpa’n ei rawngbawltu hai hmangin ringthar  a mi pek belsa pei a, hripui leia harsatna tuor tamtakin Pathien hring beiseina thar an hung nei pei leiin Pathien kuomah theitawp in tawngtai nawk zuol ei tiu.