Head Office Building thar inngir mek; kut rawl nuomhai ta dingin kawt hawng zing

Tuiṭhaphai, November 26, 2020: Rengkai Road, Churachandpur a EAC Head Office compound-ah Office Building thar inngir mek a nih. Office inzauna Building hi Market Complex le inkawp dinga ti a ni a, bawl zo huna chu Kohran sumhnar ṭha tak a hung ni ding a nih. Building hi riruong siem dan chun sawng thum chen um dinga ti a nih.

Kohranin a pawimaw em em building bawlna hi sum um sa um lo, zawng chawp peia thaw a ni a. Hi le inzawmin, Kohran members inhnikna nei le a thaw theihai chun kut rawl thei zing a nih. Building a room pakhat le a neka tam khawm nisien, a room hai hi mani sung le kuo lo famtah hai hrietzingna (Memorial) ang khawmin sponsor thei a ni bawk. Inhnikna nei a ṭhang nuomhai chun iengtik lai khawm Rev. Lalngaizuol, Finance Director (Contact No. 8731961758 / 8787404276) inbiekpui thei zing a nih. Building inngir mek hi hlawtling taka zofel a ni theina dingin hang ṭhang tlang ei tiu leh!