Finance Department

Finance Department Assembly a department pawimaw tak pakhat a ni a,  Director Finance-in a enkawl a nih. EAC Constitution in mawphurna a pek angin kohran rawngbawlna ṭul anga sum zawnga enkawl a, a ṭul ang peia sukpung dinga mawphurtu a nih.

A sinthaw tlangpui:

(i)   Sum zawnga vawng ṭhat le enkawl;

(ii)   Kohran ta dinga Budget induong

(iii)   Bookroom siem a lekhabu ṭhahai la khawma zawr.

Khawvela ei um sung hin sum le pai hi ei mamaw zing ding a na, kohran khawm hi sum le pai boin a khawsa thei chuong bawk nawh. Chuleiin sum le pai, thawlawm lakkhawm le ziek lut le inchikna iengkimhai enkaitu dingin Finance department indin a ni a, thawlawm hung lut le suok bak ah kohran nei le lam hai suk hlawk dan ding le hmu sap dan ding ngaituo in Finance department chun hma an lak zing bawk a nih.

Rev. Lalngaizuol hin hi department hi an rawi a, kohran khawmin hma a sawn pei a nih. Pathien ram ta dinga thawlawm pe nuom in um chun biekina inkhawmna a chawihai khawm a thei lai zingin tulai hripui inleng lei le ralkanga inthawka hung pe nuomhai khawma internet banking hai khawma inthawn thei zing a nih. Hieng thua Finance department be nuom ei um chun Finance Director number +91 87319 61768 a hin biek paw thei a nih.