EAC Thuring

Thuring Puongsuokna:

1. Pathien Lekhabu Thienghlim Holy Bible Genesis a inthawk Thupuongsuo chen hi Pathien Thlarau Thienghlim inthuokkhum ngeia ziek, inkhel theilo, belsa le lakhmang theilo, ringna le thilthawnaa țhuoitu huntawk a nih, ti kan ring.
2. Pathien pakhata Mi pathum- Pa Pathien, Naupa Pathien le Thlarau Thienghlim Pathien Chatuonmi hi kan ring.
3. Pa Pathien chu mania um bul le tawp nei lo, iengkim hrie, iengkim thawthei, khawlai hmuna khawm ienglaikhawma um, danglam ngailo a nih, ti kan ring.
4. Lalpa Isu Krista, Naupa Pathien, Pathien famkim, mihriem famkim, Chatuonmi a nina, Nunghak Inthienga inthawka Mihriema a hung piengna, suol neilo a nina, a thina, phuma a umna, taksa ngeia a thonawkna, Vana a lawnna, mihriemhai ta dinga hrilpuitu a nina, Ama ngei chu thilthawtheina leh ropuitakin hnuoiah a la hung nawk ngei ding a nih, ti kan ring.
5. Thlarau Thienghlim Pathien chu Pathien Thua mi inpiengthartirtu, thlamuongtu, sukthiengtu, ringtuhai sunga chenga keițhuoitu a nih, ti kan ring.
6. Mihriem hi Pathien angpuia siem a na, suolah a tlua, chu chun taksa thina le kumkhuoa Pathien le ințhena an tlun a. Chuleichun, mihriem po po hi suola pieng an nih, ti kan ring.
7. Misuol, thlarau bohmang sandamna chu Isu Krista Lunginsietna ring leia Thlarau Thienghlim zara insiengtharnaa inthawka hmu a nih ti le, sandamna indiktak changta bo nawk thei ta lo a nih, ti kan ring.
8. Lalpa Isu’n a phun le a thupek Sacrament pahnih: Baptistma le Lalpa Zanbu hi a nih, ti kan ring.
9. Pathien le inpawl dan inthiengtak chu Thalrau le titakzeta țawngțaina hi a nih, ti kan ring.
10. Taksa thonawkna kan ring a, mifel, Isu Krista ringtuhai chu thiemchangin tho an ta, mi felnaw, Isu Krista ringnawtu hai chu chantuona dinga thiemnaw changin thonawk an tih, ti kan ring.